यी हुन् ११५ बर्षिया हजुरआमा बाटुली, जो ठमठमी हिडेर मतदान केन्द्र पुगिन भोट हाल्न

लाइट नेपाल

काठमाडौं, ३१ बैशाख । २० वर्ष पछि भएको स्थानीय तहको निर्वाचनमा जनसहभागिता उत्साहजनक देखिएको छ । निर्वाचन आयोगले नुवाकोटको ककनी मतदान केन्द्रबाट १ सय १५ वर्षिय बाटुली लामिछानेले मत खसालेको बताएको छ । आयोगका अनुसार उनी सबैभन्दा जेठी मतदाता हुन सक्छीन् ।
यस्तै गोरखा जिल्लाको गोरखा नगरपालिका वडा नं। १० स्थित चन्द्रज्योति आधारभूत विद्यालय मतदान केन्द्रमा १ सय ५ वर्षीय नन्दबहादुर पौडेलले मतदान गरृेका छन् । निर्वाचन आयोगले ६ हजार ६ सय ४२ मध्ये दुइटा केन्द्रमा मात्रै मतदानमा अबरोध भएको जनाएको छ । आयोगको संयुक्त निर्वाचन परिचालन केन्द्र (जेईओसी) ले दोलखाको बिगु र काभ्रेको नमोबुद्धमा मतदान सुरु नभएको जनाएको हो । ३४ जिल्लाका २८३ स्थानीय तहको निर्वाचन अद्यतर्गत बिहान ७ बजे सुरु भएको मतदान शान्तिपूर्ण र उत्साहजनक रहेको आयोगले जनाएको छ । यस्तै निर्वाचनमा हेटौंडा(१७ हटिया, माध्यमिक विद्यालयबाट किरियापुत्री भरत अर्जेलले पनि मतदान गरेका छन् ।

© 2016 लाइट नेपाल मिडिया प्रा.लि.
Designed by appharu.com