Light Nepal

‘वायुसेवा भनेको दान, पुण्य र समाज सेवा होइन, सरकारले ऋण तिर्न सक्दैन’ :ओली

काठमाडौं । प्रधानमन्त्री केपी शर्मा ओलीले ३७ अर्ब ऋणमा रहेको नेपाल वायुसेवा निगमलाई सरकारले ऋण तिरिदिएर ‘अब नउकास्ने’ चेतावनी दिएका छन् । निगमको ६१ औं वार्षिकोत्सव अवसरमा सोमबार राधानीमा आयोजित समारोहमा पर्यटन मन्त्रालयको समेत जिम्मेबारी लिइरहेको प्रधानमन्त्री ओलीले आफ्नै पहलमा बनेको निगम नेतृत्वप्रति आक्रोस व्यक्त गरे ।

जहाज खरिद गर्दा जमानी बसेको सरकारले ऋण तिर्ने बेला आँखा चिम्लेर काँध नथाप्ने उल्लेख गर्दै ओलीले भने ,‘साग बेच्नेले ट्याक्स तिर्छ । किसानले रुखबारीको तिरो तिर्छ । त्यो पैसा उठाउँदै वायुसेवा निगमको ऋण तिर्नुपर्ने ? वायुसेवा भनेको दान, पुण्य र समाज सेवा होइन । व्यापार हो । निःशुल्क स्वास्थ शिविर राखेजस्तो नराख्नू । आफूलाई टिकाउन आम्दानी गर्नुपर्छ । ’

निगम पर्यटनमार्फत देशकै अर्थतन्त्रमा योगदान पु¥याउने संस्था भएको सम्झाउदैं ओलीले भने ,‘सरकार काँध थाप्छ, तर आँखा चिम्लेर थाप्दैन । यसको व्यवस्थापन र सञ्चालन उपयुक्त ढंगले हुुनपर्छ । ’यो समाचार आजको कान्तिपुर दैनिकमा सुरज कुँवरले लेखेका छन् ।

प्रतिक्रिया दिनुहोस्