Light Nepal

विदेशबाट फर्किनेलाई खुसीको खबर, २५ तोलासम्म सुनका गहना ल्याउन पाइने

काठमाडौं, १६ जेठ । सरकारले विदेशबाट फर्किएका नेपालीले ल्याउने काँचो सुन तथा सुनको गहनाको सीमा बढाएको छ। यस अघि निकै कडाई गरिएको सुन ल्याउने नियममा अहिलेको वजेटले सिमा बढाएको हो । अब भन्सार तिरेर २५ तोलासम्म सुनका गहना र एक सय ग्रामको काँचो सुन विदेशवाट ल्याउन पाइने भएको हो। आर्थिक विधेयक २०७६ ले यस्तो व्यवस्था गरे पछि विदेशमा बस्ने नेपालीका लागि सजिलो भएको छ ।

सुनका गहना करिब २५ तोलासम्म

अब दुई सय ५० ग्रामसम्मका गहना ल्याउन पाइने छ। ५० ग्रामसम्म सुनका गहना ल्याउदा शुल्क लाग्दैन। थप एक सय ग्राम ल्याउदा प्रति दश ग्रामको सात हजार दुई सय कर तिर्नुपर्छ । बाँकी एक सय ग्रामको ९ हजार रुपैयाँ लाग्नेछ।

काँचो सुन १० तोलासम्म
सय ग्राम (करिब १० तोला) सम्म काँचो सुन ल्याउन पाइने नियम अहिलेको वजेटले ल्याएको छ । पचास ग्राम मात्र काँचो सुन आयात गर्दा प्रति १० ग्रामको ६ हजार दुई सय रुपैयाँ भन्सार लाग्ने छ। बाँकी पचास ग्रामको प्रती १० ग्रामको सात हजार दुई सय रुपैयाँ लाग्ने आर्थिक विधेयकमा उल्लेख छ।

विदेशीको हकमा धरौटी राख्नुपर्ने

विदेशीले नेपालमा सुनका गहना भित्र्याउदा गहनाको कुल लागतको २० प्रतिशत धरौटी राख्ने ब्यवस्था अहिलेको ब्यवस्थाले गरेको छ । तर उक्त गहना फिर्ता गर्ने शर्तमा मात्रै भित्र्याउन मिल्छ। फिर्ता लैजादा धरौटी फिर्ता हुने अर्थ मन्त्रालयले जानकारी दिएको छ।

सुनको गहना पचास ग्रामसम्म, चाँदीको गहना पाँचसय ग्रामसम्म र एक लाख रुपैयाँ मूल्यसम्मको जवाहरात जडित साथमा ल्याएको गहना गुरियामा भन्सार छुट थियो। तोकिएभन्दा बढी ल्याएमा ऐनअनुसार कारबाही तथा जरिवाना हुने जनाइएको छ।

प्रतिक्रिया दिनुहोस्